ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

លោក ហ៊ុន ម៉ាណែត ដាក់គោលដៅធ្វើជាអ្នកនយោបាយតាំងពីឆ្នាំ១៩៩៤ក្នុងពេលដែលរៀននៅសហរដ្ឋអាមេរិក

  • ចុះផ្សាយថ្ងៃទី២៣ ខែធ្នូ ឆ្នាំ២០២១ ម៉ោង ១២:៣១ នាទី ដោយ Hun Sirivadh
  • 2128
  Aa |   aA

ភ្នំពេញ៖ បេក្ខភាពអនាគតនាយករដ្ឋមន្ត្រីកម្ពុជា លោកឧត្តមសេនីយឯក ហ៊ុន ម៉ាណែត បានដាក់គោលដៅរបស់លោកធ្វើជាអ្នកនយោបាយតាំងពីឆ្នាំ១៩៩៤ ក្នុងពេលដែលលោកកំពុងសិក្សាផ្នែកសេដ្ឋកិច្ចនៅក្នុងទីក្រុងញ៉ូវយ៉ក សហរដ្ឋអាមេរិក។

ក្នុងលិខិតដែលលោក ហ៊ុន ម៉ាណែត សរសេរជូនសម្ដេចតេជោក្នុងអំឡុងឆ្នាំ១៩៩៤និងត្រូវបានទម្លាយដោយសម្ដេចតេជោ ហ៊ុន សែន នៅថ្ងៃនេះឱ្យដឹងថា លោក ហ៊ុន ម៉ាណែត មានបំណងសិក្សាជំនាញចំនួន៣ក្នុងការរៀបចំគោលដៅនាពេលអនាគតរបស់ខ្លួនគឺ ជំនាញសេដ្ឋកិច្ច នយោបាយ និងទាហាន។

លោកបានបញ្ជាក់ក្នុងលិខិតនោះថា៖ «ចំពោះខ្ញុំ ខ្ញុំយល់ថាទាហ៊ាន អ្នកសេដ្ឋកិច្ច និងអ្នកនយោបាយមានឥទ្ធិពលណាស់នៅក្នុងសង្គម ការដែលសំខាន់គឺទោះជាអនាគតខ្ញុំអាចទៅជាអ្នកសេដ្ឋកិច្ចរឺក៏ជាអ្នកនយោបាយ គឺខ្ញុំចង់បានគ្រឹះរបស់ខ្ញុំជាទាហ៊ាន ព្រោះតាមខ្ញុំមើលប្រវត្តិសាស្រ្តនៅអាមេរិចរឺនៅប្រទេសមួយចំនួនគឺអ្នកដឹកនាំធំៗច្រើនចេញពីទាហ៊ានដែរ។ តែនេះជាគំនិតរបស់ខ្ញុំ ខ្ញុំសូមអោយពុកជួយអោយយោបល់ផង តើគំនិតនេះល្អរឺមិនល្អ» ។

ជាមួយគ្នានេះសម្ដេចតេជោ ហ៊ុន សែន បានសរសេរលើហ្វេសបុករបស់សម្ដេចដោយបញ្ជាក់ថា រហូតមកដល់ពេលនេះគឺមានរយៈពេល២៨ឆ្នាំហើយដែលសម្ដេចរក្សាការសម្ងាត់នៃសំបុត្រនេះ និងថាមិនចាំបាច់បន្តរក្សាការសម្ងាត់ទៀតទេព្រោះលោក ហ៊ុន ម៉ាណែត បច្ចុប្បន្នកំពុងមានជំនាញទាំង៣ដែលបានដាក់គោលដៅតាំងពីឆ្នាំ១៩៩៤រួចហើយនោះ។

សម្ដេចតេជោក៏បានប្រាប់រឿងមួយចំនួនដែលមិនបានសរសេរក្នុងសំបុត្រដែរថា៖ «អានលិខិតនេះនិងយល់ពីម៉ាណែតកាន់តែច្បាស់ ហើយអ្វីដែលមិនមានក្នុងលិខិតនេះគឺម៉ាណែតបានចូលទៅធ្វើកម្មសិក្សានៅធនាគារពិភពលោកដែលត្រូវបានបញ្ជូនទៅធ្វើការងារនៅប្រទេសកុងហ្គោបន្ទាប់ពីជាប់បរិញ្ញាបត្រជាន់ខ្ពស់នៅសកលវិទ្យាល័យញ៉ូវយ៉ក។ ម៉ាណែតធ្លាប់បានទៅរស់នៅជាមួយគ្រួសារបារាំងមួយនៅប្រទេសបារាំងដោយស៊ីឈ្នួលបេះផ្លែប៉ោមឱ្យគ្រួសារនេះដើម្បីរៀនភាសាបារាំង។ នៅពេលរៀនថ្នាក់បណ្ឌិតនៅប្រទេសអង់គ្លេស ម៉ាណែតបានចូលបង្រៀនគណិតវិជ្ជាសម្រាប់និស្សិតឆ្នាំទី២និងទី៣ដើម្បីបានប្រាក់ខ្លះសម្រាប់ចំណាយកាត់បន្ថយការចំណាយរបស់ឪពុកម្តាយ» ។

លោក ហ៊ុន ម៉ាណែត អាយុ៤៤ឆ្នាំ គឺជាកូនប្រុសច្បងរបស់នាយករដ្ឋមន្ត្រីកម្ពុជា សម្ដេច តេជោ ហ៊ុន សែន។ លោកជាជនជាតិកម្ពុជាដំបូងដែលបញ្ចប់ការសិក្សានៅឯបណ្ឌិតសភាយោធា West Point របស់សហរដ្ឋអាមេរិក និងជាបណ្ឌិតសេដ្ឋកិច្ចនៃសកលវិទ្យាល័យ Bristol របស់ចក្រភពអង់គ្លេសផងដែរ។ បច្ចុប្បន្នលោក ហ៊ុន ម៉ាណែត មានឋារន្តរស័ក្កិជាឧត្តមសេនីយ៍ឯកផ្កាយ៣ កាន់តួនាទីជាអគ្គមេបញ្ជារងទ័ព និងជាមេបញ្ជាការកងទ័ពជើងគោកនៃកងយុទ្ធពលខេមរភូមិន្ទ។

ថ្លែងក្នុងពិធីសម្ពោធដាក់ឱ្យប្រើប្រាស់នូវហេដ្ឋារចនាសម្ព័ន្ធក្នុងខេត្តព្រះសីហនុកាលពីថ្ងៃទី២ ខែធ្នូ ឆ្នាំ២០២១ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានប្រកាសគាំទ្រកូនប្រុសច្បងរបស់សម្ដេចគឺលោក ហ៊ុន ម៉ាណែត ជាបេក្ខភាពនាយករដ្ឋមន្ត្រីតពីសម្ដេច។ ការប្រកាសនេះធ្វើឱ្យមានការសាទរជាបន្តបន្ទាប់ពីជួរថ្នាក់ដឹកនាំ និងមន្ត្រីរាជការនៅកម្ពុជា។

នៅថ្ងៃស្អែកគណបក្សប្រជាជននឹងមានការប្រជុំគណៈកម្មការការកណ្ដាលគណបក្សដែលបើតាមសម្ដេចតេជោបញ្ជាក់កាលពីកន្លងទៅគឺទាក់ទងនឹងការរៀបចំគណៈរដ្ឋមន្ត្រីបន្តវេនជំនាន់ក្រោយរបស់គណបក្សប្រជាជនកម្ពុជា។ សម្ដេចបានផ្ដាំឱ្យក្រុមប្រឆាំងចាំមើលពីភាពសាមគ្គីគ្នារបស់គណបក្សប្រជាជននាថ្ងៃស្អែកនេះផងដែរ៕


ព័ត៌មានជាច្រើនទៀតសម្រាប់អ្នក